Concurso
X Concurso Proxectos Empresariais
Semente Ribeira Sacra
Convócase a X Edición do Concurso de Proxectos Empresariais, co obxectivo de impulsar a creatividade de proxectos empresariais .
Búscanse proxectos innovadores para desenvolver o medio rural e poñer en valor os seus recursos. Terán preferencia os vinculados co territorio Ribeira Sacra; pero o concurso sempre estivo aberto a calquera persoa física de calquera lugar do mundo que teña unha idea empresarial destas características.
1º Premio - 10.000 €
2º Premio - 6.000 €
3º Premio - 4.000 €
Do 1 de marzo ao 31 de maio está aberto o prazo de presentación de ideas, a través da web sementeribeirasacra.org. A inscrición é de balde. O 22 de xullo publicarase o nome das dez ideas que o xurado considere de maior interese conforme aos obxectivos do concurso, haberá 3 de reserva ás que se recorrerá en caso de que algunha das ideas finalistas se retire antes do 31 de agosto.
A estrutura da presentación da idea debe contar con:
- Título do proxecto (20 palabras para resumir de que trata a iniciativa)
- Descrición xeral (300 palabras para describir do modo máis eficaz en que consiste a iniciativa)
- Investimento a realizar (máx. 20 palabras)
- Postos de traballo a crear. (máx. 50 palabras)
- Oportunidade do proxecto (150 palabras para responder á pregunta “¿por que debería investir no proxecto?” Neste apartado é necesario ter clara cal é a necesidade que cobre o produto ou servizo.
- Puntos fortes do proxecto (150 palabras que conteñan a información DAFO)
- Descrición temporal da formulación e implantación do proxecto (150 palabras para explicar as fases, prazos e outros compoñentes de tipo temporal para a formulación e implantación do proxecto).
- Outros premios acadados. (máx. 50 palabras)
- Destino do premio, en caso de ser seleccionado.(máx. 50 palabras)
- Integrantes e antigüidade da empresa. (máx. 50 palabras)
- Financiamento obtido para o proxecto.(máx. 50 palabras).
As ideas seleccionadas presentarán entre o 1 de agosto e o 30 de setembro do 2024, o proxecto rematado, achegando arquivos PDF mediante formulario na intranet de concursantes da web www.sementeribeirasacra.org.
Unha vez presentada a documentación, o xurado convocará aos finalistas para a exposición e defensa do seu proxecto, na xornada de mañá do día 26 de outubro, no Parador de Turismo de Monforte. Pola noite, tamén no Parador, celebrarase a entrega de premios e a cea de clausura desta X edición do Concurso de Proxectos Empresariais.
QUEN PODE PARTICIPAR?
Poderá participar calquera persoa física, de calquera parte do mundo, que propoña unha idea empresarial a excepción dos premiados en calquera das anteriores edicións do Concurso de Proxectos Empresariais SEMENTE RIBEIRA SACRA.
COMO PODO PARTICIPAR?
O prazo de presentación de solicitudes estará aberto dende as 00.00h do 1 de marzo de 2024 ata as 23.59h do 31 de maio de 2024.
A inscrición, que é gratuita, deberá realizarse telemáticamente a través da web www.sementeribeirasacra.org
HAI IDEAS CUN VALOR ENGADIDO?
As ideas e proxectos que formulen o seu desenvolvemento na Ribeira Sacra terán unha consideración especial na súa valoración.
O mesmo ocorrerá coas ideas e proxectos que teñan como obxectivo desenvolver o medio rural da Ribeira Sacra e a posta en valor dos seus recursos endóxenos.
COMO É O PROCESO DE SELECCIÓN?
O 22 de xullo de 2024 publicarase o nome das 10 ideas co xurado considere de maior interese conforme aos obxectivos do concurso.
As ideas seleccionadas disporán de prazo ata o 30 de setembro de 2024 para presentar o seu proxecto no formato que establecen as bases e deberán facer unha presentación telemática nada data que a organización o estime.
CANDO SE FALLA O CONCURSO?
O sábado 26 de outubro do 2024.
O XURADO
Está formado por persoas de importantes empresas e das institucións máis relevantes de Galicia en materia empresarial.
A composición é a seguinte:
- Un representante de cada unha das empresas que patrocinan o presente concurso.
- Un representante da Deputación de Ourense.
- Un representante da Vicepresidencia da Deputación de Lugo, Medio Rural
- Un representante do Concello de O Saviñao.
- Un representante do Concello de Chantada.
- Un representante do Concello de A Pobra do Brollón.
- Un representante do Concello de Pantón.
- Un representante do Concello de Sober.
- Un representante do Concello de Bóveda.
- Un representante de cada unha das Universidades de Galicia: Universidade da Coruña, Universidade de Santiago de Compostela e Universidade de Vigo.
- Un representante de Área de valorización, Transferencia e Emprendemento da Universidade.
- Un representante da Xunta de Galicia.
- Un representante da Escuela de Organización Industrial (EOI).
- Un representante do Grupo de Desenvolvemento Rural (GDR).
- Dúas persoas que designe a Asociación Semente Monforte de Lemos.
Participa!
Presenta a túa idea de emprendemento no X Concurso de Proxectos Empresariais Semente Ribeira Sacra ata o 31 de maio!
